1 маусым-Халықаралық балаларды қорғау күні – ерекше қуаныш пен мейірімге толы шуақты мереке. Бір ғасырдан астам тарихы бар мерекені тәуелсіз Қазақ елі де жыл сайын атап өтеді. Мемлекет басшысы Қасым-Жомарт Тоқаев «2022 жыл – Балалар жылы» деп жариялады. Бұл дегеніміз биылғы жылы жас буынның тәрбиесі мен біліміне баса мән беріледі деген сөз. «Балалар – мемлекетіміздің болашағының кепілі.
Қымбатты балалар, Сіздерді 1 маусым – Халықаралық балаларды қорғау күнімен шын жүректен құттықтаймыз!Балаларды қорғау күні – әлемнің түкпір-түкпіріндегі балаларға қуаныш сыйлайтын мейрам ғана емес, кішкентай балалардың құқығын қорғап, оларға қамқор болуға үндейтін мереке.
Ата-ананың ең үлкен бақыты – баласының жақсы азамат болып өсуі болса, ілгері ойлайтын мемлекет пен қоғамның да басты мақсаты – білімді де Отаншыл ұрпақ тәрбиелеу.Қымбатты балалар!Сендер дамыған, байтақ елде өсіп келе жатқан бақытты ұрпақсыңдар. Зерделі де зерек, білімді де білікті болыңдар.Бұған елімізде барлық мүмкіндік бар. Жасампаз істердің барлығы сендердің жарқын болашақтарың үшін жасалып жатыр.Барлықтарыңа мықты денсаулық, баянды өмір, бақытты балалық шақ тілейміз.Жүздеріңнен қуаныш пен бақыт күлкісі кетпесін, ал жүректеріңе тек мейірім мен шапағат ұяласын.
Т.Рысқұлов ауданының білім бөлімі.

Ауданымызда 1 маусым-Халықаралық балаларды қорғау күніне орай М.Өзбеков атындағы мәдениет үйінде «Әлем-балалар көзімен» атты бүлдіршіндердің сурет салу байқауы, балалардың қолөнер шығармашылығынан көрме және концерттік бағдарлама ұйымдастырылды.
#Балалар_жылы