2023 жылдың 17 наурызында Т.Рысқұлов ауданы білім бөлімінің іс-шаралар жоспарына сәйкес аудандық білім беру мекемелеріндегі ерекше білім беруге қажеттіліктері бар балалардың арасында шығармашылық қабілеттерін дамыту мақсатында «Жұлдызай» XVIII аудандық фестиваль-байқауының аудандық кезеңі Әлихан Бөкейханов атындағы орта мектебінің базасында өтті.      

     Фестивальдің ашылу салтанатында аудандық білім бөлімінің әдістемелік кабинет меңгерушісі Қырықбаева Гулмираш Қуанышбековна сөз алып, қатысушыларға сәттілік тілей отырып, жылы лебізін білдірді.

    Аталған байқауға 13 мектептен 24 үміткер қатысып, өз өнерлерін көрсете білді. Әділқазы алқаларының шешімімен әр номинация бойынша өткізілді.   Әділқазы алқаларының шешімімен әр номинацияның жеңімпаздары аудандық білім бөлімінің дипломдарымен марапатталды. «Аспаптық орындау» номинациясының жеңімпазы М.Төлебаев атындағы музыка  мектебінің білім алушысы Н.Сүйерхан, «Вокал» номинациясы 1-ші орын иегері 10-12 жас аралығындағы А.Байтұрсынов орта мектебінің 6-сынып оқушысы I.Тұрсынбай, 13-15 жас аралығында Жамбыл орта мектебінің 8-сынып А.Бақытжан, «Хореграфия» номинациясы жеңімпаздары 10-12жас аралығында Ю.Гагарин атындағы негізгі мектебінің 4-сынып оқушысы А.Дабырқұл, 10-15 жас аралығында Алғбас орта мектебінің 4-сынып оқушысы Г.Серікбай иегерлері облыстық байқауға жолдама алды. Байқаудың облыстық кезеңіне жолдама алған оқушыларға сәттілік тілейміз.