2022 жылдың ақпан айынан бастап 11 сыныптың қорытынды аттестаттауында ағылшын тілі пәнін таңдаған оқушылардың грамматикалық білімдерін тереңдету мақсатында аудандық «Ағылшын грамматикасы» онлайн курсы оқытылып бастады. Білім алушыларға дәріс беруге аудан мектептерінің ағылшын тілі пәнінің Ерікті мұғалімдері жұмысқа тартылды. Курсты оқыту барысында оқушыларға ағылшын грамматикасын меңгеруде қиындық туғызатын күрделі тақырыптар анықталып, сол тақырыптар аясында білім алушылардың теориялық білімдері жетілдіріледі және тақырып бойынша түрлі тапсырмалар, сондай-ақ, онлайн тапсырмалар орындалады. Онлайн дәрістерге 11 сыныптың қорытынды аттестаттауында ағылшын тілі пәнін таңдаған білім алуға құштар 10-және 11 сынып оқушылары үздіксіз қатысып отырады. Ағымдағы айдың 3-күнінен бастап Құлан мектеп- гимназиясының пән мұғалімі М.Бектен «Types of Pronouns» тақырыбында, Алғабас орта мектебінің пән мұғалімі Қ.Арыстанбекова «Types of Prepositions» тақырыбында, Р.Смаилов атындағы орта мектебінің пән мұғалімі Г.Маханбеталиева «The Degrees of comparison of adjective» тақырыбында және № 4 шағын орталықты орта мектебінің пән мұғалімі А.Амирова «Adverbs» тақырыбында Зум платформасында дәрістер өтті.