Жамбыл облысы әкімдігінің білім басқармасы Т.Рысқұлов ауданы білім бөлімі мен «Жамбыл — адалдық алаңы» кеңсесімен бірлесе отырып,  5-11 сынып оқушылары арасында “Ақындар адалдықты жырлайды” атты жас ақындар байқауын ұйымдастырып, өткізді. Байқаудың мақсаты: Оқушылардың бойына рухани адамгершілік қасиеттерді ұялату үшін мейірбан, ақылды, шыншыл, асыл қасиеттерді игеруге ықпал ету. Ұлылардың адалдық жолындағы шығармаларымен танысу, үлгі өнеге алу. Байқау екі кезеңнен тұрды.

Бірінші кезеңінде «Ақындар мүшәйрасы» номинациясы. Оқушылар берілген тақырып аясында өлең шығарып, өздерінің адалдық туралы жазған туындыларын  әділқазылар   алқаларына ұсынды.

Екінші кезеңінде «Көркем сөз» номинациясы. Ақын-жазушылардың адалдық туралы Үш бәйтерек, бес арыс, Ш.Құдайбергенұлы, А.Құнанбайұлының  жазған өлеңдерін  мәнерлеп жатқа  айтты.

Байқауды аудандық білім бөлімінің әдіскері Г.Қырықбаева қорытындылап, «Жамбыл — адалдық алаңы» кеңсесінің менеджері Усенова Жанар жүлдегер оқушыларды марапаттап, Халықаралық «Алаш» әдеби сыйлығының лауреаты, поэзиясымен табиғатқа тіл бітірген суреткер ақын Қуандық Шолақ Абашұлының таңдамалы өлеңдер жинағын сыйға тартты.