Жамбыл облысы әкімдігінің білім басқармасы Т.Рысқұлов ауданының білім бөлімі 2022 жылдың 27 тамыз күні аудандық мәдениет үйінде «Білімді ұлт: терең білім, еңбекқорлық және отаншылдық қасиет» тақырыбында педагогтердің аудандық Тамыз конференциясын өткізді. Аталмыш конференцияға аудан әкімі Е.С.Есіркепов, аудан әкімінің орынбасарлары, мәслихат депутаттары, бөлім басшылары, ауылдық округ әкімдері, БАҚ өкілдері, ардагер ұстаздар, білім беру ұйымдарының басшылары мен ұстаздар қатсты. Конференция басталмас бұрын келген қонақтар оқу-әдістемелік және шығармашылық көрмені тамашалап, пленарлық мәжіліске қатысты. Мәжіліс соңында ауданымыздың үздік білім ұйымдары мен үздік ұстаздары марапатталды.