«Бір өлеңі – бір елдің мұрасындай…» атты облыстық байқауы өтті

Жамбыл облысы әкімдігі білім басқармасының оқу-әдістемелік кабинетінің ұйымдастыруымен ақиық ақын Мұқағали Мақатаевтың 90 жылдық мерейтойына орай қазақ тілі мен әдебиеті пәнінің мұғалімдері арасында «Бір өлеңі – бір елдің мұрасындай…» атты облыстық байқауы (сырттай) өтті.

Ақын шығармаларын эссе жазу арқылы жаңаша талдау, заманауи әдіс-тәсілдер қолдана отырып, бейнесабақтарды түсірудегі ұстаздардың кәсіби шеберлігін анықтау, беделін көтеру, оларды қолдау және шығармашыл педагогтарды анықтау мақсатында өткен байқауға Абай атындағы орта мектептің қазақ тілі мен әдебиеті пәнінің мұғалімі Тәтібекова Айнұр Андабекқызы қатысып, «Ақын шығармашылығына эссе жазу» номинациясы бойынша І орынды иеленсе, №2 шағын орталықты орта мектептің қазақ тілі мен әдебиеті пәнінің мұғалімі Ахметбекова Назгүл Асқарбекқызы «Үздік бейнесабақ түсіру» номинациясы бойынша ІІ орынды иеленді.

Шығармашыл ұстаздарымызға ауданымыздың білім саласын өркендету жолындағы абыройлы істеріне табыс тілейміз!