“Ерекше білімді қажет ететін балаларды тәрбиелеп отырған отбасына мамандардың қолдауы” тақырыбында аудандық дөңгелек үстел өткізілді

Т. Рысқұлов ауданының білім бөлімінің іс-шаралар жоспарына сәйкес 2024 жылғы 04 сәуірде Әлихан Бөкейханов орта мектебінің базасында “Инклюзивті қолдау кабинетінің” мамандарының ұйымдастыруымен “Ерекше білімді қажет ететін балаларды тәрбиелеп отырған отбасына мамандардың қолдауы” тақырыбында аудандық дөңгелек үстел өткізілді. L-Дөңгелек үстелге аудандық аурухананың балалар невропатологы Сматилдаева Айгүл Жұмағалиқызы, “Ақжүніс” аналарды қолдау қорының директоры Даулеталиева Жанат Мырзаханқызы және Т.Рысқұлов аудандық білім бөліміне қарасты мектептерінің ерекше бала тәрбиелеп отырған ата-аналары қатысты. Дөңгелек үстелді Әлихан Бөкейханов орта мектебінің директоры Дайрабаева Шолпан Еркетайқызы ашып берді. Педагог-психолог Б.Бекешова ата-аналармен жағымды психологиялық ахуал қалыптастыру мақсатында “Амандасу” тренингін өткізді. Дефектолог А.Кәсен “Бағалай біл бала деген бақытты” деген тақырыпта бейне үзінді көрсетіп, ата-аналарды сөзге тартты. Мұғалім-логопедтер К.Жайлаубекова А.Әжім үй жағдайында сөйлеу тілін дамытуда артикуляциялық жаттығулар мен жалпы және ұсақ моториканы дамытуға арналған тиімді жаттығу түрлерімен таныстырып, әдістемелік ұсынымдар мен кеңестер берді. Педагог-психологы А.Отарымбетова “Бақыт деген не өзі?” тақырыбында топтық жұмыс жүргізіп әлеуметтік педагог А.Узакбаев ата-аналарға ой – қозғау сұрақтарын беріп, пікір алмасты. Кездесу барысында келген қонақтар тарапынан бірқатар кеңестер айтылып, ата-аналармен түсіндірме жұмыстары жүргізіліп, пікір алмасу өткізілді.

Ата ана-аналар тарапынан қойылған сұрақтарға кездесуге келген қонақтар мен арнайы мамандар тарапынан нақты жауаптар берілді. Кездесу соңында аудандық білім бөлімінің инспекторы Ж.Бекбосынова келген қонақтарға, ата-аналарға жылы лебізін білдіріп, ата-аналардың сұрақтарына жауап бере іп ұсыныстарды қабылдап, қорытынды сөз сөйледі. Жалпы кездесуге 23 ата-ана қатысты.