2021 жылдың 10 қараша күні Құлан мектеп-гимназиясы базасында балалар мен жасөспірімдердің мемлекет пен қоғам өміріне қатысуы, балалар қоғамдық ұйымдарының рөлі мен мәртебесін арттыру, патриотизм, көшбасшылық, интеллектуалды және шығармашылық әлеуетін дамыту бағытында балалардың әлеуметтік бастамаларын арттыру мақсатында  «Кемелді келешекке — кемеңгер Елбасымен!» атты «Жас Ұлан» ұйымының аудандық форумы ұйымдастырылып өткізілді.

Форумға аудан мектептерінің «Жас Ұлан» ұйымының оқушыларына жаңа бағыт беріп, ұлттық және жалпы адамзаттық құндылықтарға сәйкес рухани дүниесі кең тұлғаны қалыптастырып, балалар мен жасөспірімдерді Қазақстандық патриотизм рухында тәрбиелеп жүрген тәлімгерлері мен ұланбасылары және белсенді жасұландықтар қатысты.

Арнайы шақырылған құрметті қонақтар ауданымыздың көшбасшыларын марапаттап, ұйым мүшелігіне қабылданған оқушыларға галстуктер мен төсбелгілерін тағып берді.  Форум мерекелік концертпен жалғасты.