Құрметті ұстаздар, қымбатты оқушылар, ата-аналар!
Сіздерді бүгінгі жарқын да қуанышты, айтулы мереке – Білім күнімен құттықтаймын!

Адамның ойы мен өрісін кеңейтетін, танымын ашатын ол — білім. Білім қашанда — ғылымның негізі, өмірдің жарқын көрінісі болып, әр адамның өмірінде баға жетпес байлық болып қалады. Сондықтан бүгінгі жастар ілім-білім жинауға қашанда асығып, тәуелсіз еліміздің игілігі жолында білімдерін ел кәдесіне жаратып, болашақта озық ойлы, өрісі кең, өрелі азаматтары болуы қажет.
Құрметті әріптестер!
Тәуелсіз еліміздің болашақ иесі жас ұрпақтың бойында тұлғалық қасиеттерді ұштап, кәсіби шеберліктеріңізді одан әрі шыңдап, ауданымыздың білім сапасын арттырудағы игі бастамаларға жаңа серпін, шығармашылық табыс тілеймін.
Басталған жаңа оқу жылы табысты, сәтті, шығармашылық пен жетістіктерге толы жыл болсын!