Мектеп оқушылары арасында облыстық пікірсайыс турнирі өтті
2022 жылдың 4 ақпанында «Жамбыл дарыны» аймақтық ғылыми-практикалық орталығы Жамбыл облысы әкімдігінің жастар саясаты мәселесі басқармасымен бірлесе «Ризашылық – мейірімділік бұлағы» жалпыұлттық-мәдени білім беру жобасы аясында «Ұшқыр ой алаңы» облыстық пікірсайыс турнирі өз мәресіне жетті.Турнирдің мақсаты – өскелең ұрпақтың бойында патриотизм мен азаматтылықты қалыптастыру, туған өлке мен елдің проблемаларын талқылауға және шешуге қатыстылық сезімін тәрбиелеу.
Турнирдің барлық кезеңдері Америкалық парламенттік формат бойынша ұйымдастырылып, екі айналымда өткізілді. Бірінші айналым – іріктеу раундтары, екінші айналым – негізгі ойындар: ширек финал, жартылай финал және финал.
Турнир нәтижесінде облыс бойынша 36 фракциясының ішінен Т.Рысқұлов ауданы білім бөліміне қарасты Тұрар Рысқұлов атындағы мектеп-лицейінің «Қызыл Жебе» фракциясы ІІ дәрежелі диплом иегерлері атанды.
Жеңімпаз атанған фракция мүшелерін жеңістерімен құттықтаймыз!
