Т.Рысқұлов ауданының білім бөлімі әдістемелік кабинетінің жоспарына сәйкес 2024 жылдың 15 мамырында №3 шағын орталықты орта мектептің базасында информатика пәнінің мұғалімдеріне арналған «Информатика сабағында белсенді әдістерді пайдалану» тақырыбында семинар-практикумы өтті.

            Семинар практикумды мектептің директоры Б.О.Дауенов ашып берді. Семинар қатысушыларын іс-шаралар жоспарымен аудандық білім бөлімінің әдіскері А.Б. Бейсенов таныстырып өтті.
1. «Шебер ұстаз, сапалы білім» тақырыбында ұстаздар арасында коучингті Максим Горький атындағы орта мектептің информатика пәні мұғалімі В.А. Сейтниязова жүргізді.
Коучинг мақсаты:Мұғалімдердің кәсіби құзіреттілігін қалыптастыра отырып, олардың кәсіптік деңгейінің өсуіне жағдай жасау.
2. «Авторлық құқық және плагиат» тақырыбында 6 сыныппен «№3 шағын орталықты орта мектебінің информатика пәнінің мұғалімі Джуманбаева Аида жаңа әдістерді қолданып ашық сабақ өтті. Сыныпты топқа бөлу барысында оқушылар өздеріне ұнайтын платформаларын таңдап сәйкесінше топ аттарын таңдады. Сабақта балалар авторлық құқық туралы мол ақпарат алды.
3. 10 сынып оқушыларымен «Миллион кімге бұйырады?» интеллектуальдық ойын сабағын Ақбұлақ орта мектебінің информатика пәні мұғалімі Мадусаева Айсана жүргізді. Компьютерлік техниканың озық технологияларын және әлеуметтік желі платформаларын сабақта тиімді пайдалана білді. Оқушылар жақсы білім нәтижелерін көрсетті.
Семинар-практикум соңында семинар-практикумға қатысқан мұғалімдер бүгінгі өткен сабақтар бойынша жақсы пікірлерін білдірді.