«ҮЗДІК ПЕДАГОГ – 2026»: БАЙҚАУ КЕЗЕҢДЕРІ БАСТАЛДЫ
Т.Рысқұлов ауданының білім бөлімі педагогтердің кәсіби шеберлігін анықтауға, озық педагогикалық тәжірибені насихаттауға бағытталған «Үздік педагог – 2026» республикалық конкурсының басталғанын хабарлайды.
Байқаудың негізгі мақсаты – білім беру саласында жоғары нәтижелерге қол жеткізген талантты педагогтерді анықтау, олардың кәсіби дамуы мен шығармашылық ізденістерін қолдау, педагог мәртебесін арттыру.
«Үздік педагог» конкурсы ұстаздарға өздерінің кәсіби жетістіктерін, педагогикалық шеберлігін, тиімді тәжірибесін және білім беру үдерісінде қолданатын заманауи әдіс-тәсілдерін таныстыруға мүмкіндік береді.
📌 Конкурс үш кезеңнен тұрады:
🔹 Аудандық кезең: 27 тамыз – 11 қыркүйек
🔹 Облыстық кезең: 14–21 қыркүйек
🔹 Республикалық кезең: 22 қыркүйек – 15 қазан
Республикалық кезеңнен кейін ұсынылған материалдарды Республикалық комиссия мүшелері қарайды.
💻 Байқауға қатысу үшін қажетті құжаттар арнайы электрондық платформа арқылы қабылданады.
Қатысушылар құжаттарын uzdikustaz-nobd.edu.kz сайты арқылы жүктей алады.
Т.Рысқұлов ауданының білім бөлімі аудан педагогтерін конкурсқа белсенді қатысуға шақырады және барлық қатысушыларға сәттілік тілейді!
