2024 жылдың 21 ақпанда №6 мектеп-гимназиясының базасында Т.Рысқұлов ауданы білім бөлімінің іс- шаралар жоспарына сәйкес білім беру мекемелеріндегі ерекше білім беруге қажеттіліктері бар балалардың арасында шығармашылық қабілеттерін дамыту мақсатында XIX республикалық «Жұлдызай-2024»  фестиваль-байқауының аудандық кезеңі өтті.

            Фестивальдың ашылу салтанатында Тұрар Рысқұлов аудан әкімінің орынбасары Терлікбаев Әлібек Мамытжанұлы сөз алып, қатысушыларға сәттілік тілей отырып, жылы лебізін білдірді.
Аталған байқауға 32 мектептен 32 үміткер қатысып, өз өнерлерін көрсете білді.  Әділқазы алқаларының шешімімен әр номинацияның жеңімпаздары аудандық білім бөлімінің дипломдарымен марапатталып, бас жүлде иегерлері облыстық байқауға жолдама алды.

          Байқаудың облыстық кезеңіне жолдама алған оқушыларға сәттілік тілейміз.