17 ақпан күні «Ақбота» бөбекжай –балабақшасының базасында логопед-мұғалім, кәсіби шығармашылығын шыңдау мақсатында мектепке дейінгі мекеме логопедтеріне арналған «Мектеп жасына дейінгі балалардың сөйлеу тілін дамытудың негізгі әдістері» тақырыбында аудандық семинар өткізілді.

Т.Рысқұлов ауданы білім бөлімінің іс- шаралар жоспарына сәйкес, 2023 жылдың 17 ақпан күні «Ақбота» бөбекжай –балабақшасының базасында логопед-мұғалім, кәсіби шығармашылығын шыңдау мақсатында мектепке дейінгі мекеме логопедтеріне арналған «Мектеп жасына дейінгі балалардың сөйлеу тілін дамытудың негізгі әдістері» тақырыбында аудандық семинар өткізілді. Семинар барысында аудандық білім бөлімінің қызметкері Ж.Бекбосынова, мектепке дейінгі білім беру мекемелерінің тәрбиеленушілерінде кездесетін сөйлеу тілінің кемшілік түрлері туралы жалпы түсінік беріп өтсе, «Ақбота » бөбекжай- балабақша психологы Г.Бекбаева «Кел, танысайық »

тренинг өткізіп, сонымен қатар логопеді Ж.Тайсегирова «Мектеп жасына дейінгі балаларға арналған тіл ұстарту жаттығулары мен ойындары » тақырыбында сабақ жоспарының құрылымымен таныстырды. Мектепке дейінгі білім беру мекемесінің жағдайына ең кең таралған және балалардың тілін түзетуге дәстүрлі және дәстүрлі емес әдістерді қолдану қажеттілігі айтылды.

Нейропсихологиялық жаттығулар, тыныс алу жаттығуы кинезиологиялық жаттығулар, лэпбук әдістерінің бала тілінің дамуына тиімділгі айтылып өтті.