Т.Рысқұлов ауданының білім бөлімі әдістемелік кабинеттің 2023жылдың іс-шара жоспарына сәйкес 22 ақпан күні «Меркі ауданының ведомствоаралық психологиялық-медициналық –педагогикалық консультациясы» мекемесінің арнайы мамандарының қатысуымен «Инклюзивті білім беру жағдайында оқыту үрдісін ұйымдастыру мен толықтыру» тақырыбында аудандық семинар — практикум өтті. Семинар барысында білім беру ұйымының психологиялық-педагогикалық қолдау мамандары ата-аналардың (заңды өкілдерінің) келісімімен оқыту қиындықтары бар балалардың ерекше білім берілуіне қажеттіліктерін тереңдете зерделеу жұмыстарының жүргізілуі жайлы кеңестер берілді. Психологиялық-педагогикалық қолдау білім беру ұйымдарында ерекше білім беруді қажет ететін балаларды оқыту және дамыту үшін әлеуметтік-психологиялық және педагогикалық жағдайлар жасаудағы жүйелі-ұйымдастырылған жұмыстардың жүргізілуі жан-жақты талқыланды. Әріптестер өздеріне қажетті сұрақтарға жауап алды.