«ЕЛІМНІҢ БАҚЫТЫН ТЕРБЕТКЕН ТӘУЕЛСІЗДІК» АТТЫ АУДАНДЫҚ МЕРЕКЕЛІК ІС-ШАРА ӨТКІЗІЛДІ.
2021 жылдың 14 желтоқсан күні Тәуелсіздік мерекесіне арналған «Елімнің бақытын тербеткен Тәуелсіздік!» атты мерекелік іс-шара өткізілді.
Іс-шараның ашылу салтанатында М.Төлебаев атындағы балалар музыка мектебінің «Домбырашылар ансамблінің» орындауында «Қолбасшы» күйі орындалып, аудандық білім бөлімінің басшысы Базарова Майра Айдарбекқызы мен білім қызметкерлерінің кәсіподақ комитетінің төрайымы Баймұратова Айнұр Манатбекқызы Тәуелсіз елдің ұлағатты ұстаздарына жылы лебіздерін білдіріп, құттықтады.
Ел Тәуелсіздігінің 30 жылдығы мерекесіне арналған шарада білім саласында табысты еңбек етіп, ауданымыздың дамуына үлес қосып жүрген ұлағатты ұстаздарымыз марапатталды.
Сонымен қатар салтанатты жиында Тәуелсіздік құрдасы Б.Момышұлы орта мектебінің директордың оқу ісі жөніндегі орынбасары Адилова Гүлнур Тәуелсіздік мерекесімен құттықтап, алғыс білдірді.
Ардақты жандарды құрметтеген шара соңында өнерпаздар ән әуелетіп, жырдан шашу шашты.
