«Тарих-география пәнінен білім сапасын көтерудің заманауи әдістері» тақырыбында аудандық оқу-әдістемелік семинар өтті.

                 2021 жылдың 20 қазан күні Т.Рысқұлов ауданының білім бөлімінің ұйымдастыруымен Ш.Уалиханов орта мектебінің базасында тарих, география пәндерін оқытуда педагогтің кәсіби дамуына, оқытудың белсенді нысандары мен әдістерін қолдануына ықпал ету мақсатында тарих, география пәндерінің жас мұғалімдеріне арналған «Тарих-география пәнінен білім сапасын көтерудің заманауи әдістері» тақырыбында аудандық оқу-әдістемелік семинар өткізілді. Семинар барысында жас мамандарға оқыту мен оқудағы жаңа әдіс-тәсілдердің тиімділігі көрсетілді. Ш.Уалиханов орта мектебінің директордың ғылыми әдістемелік ісі жөніндегі орынбасары Ж.Абатова «Оқыту мен оқудағы жаңа әдіс-тәсілдер тиімділігі» тақырыбында шеберлік сынып көрсетсе, тарих-география пәнінің мұғалімі Г.Қоштаева «Білім алушылардың біліміндегі олқылықтардың орнын толықтыруды қамтамасыз ету жолдары» тақырыбында тәжірибелік таныстырылым жасады. Болтай батыр орта мектебінің тарих пәнінің мұғалімі Б.Қарымбаева «Қазақстандағы 1916 жылғы ұлт-азаттық қозғалыс» тақырыбында, Ш.Уалиханов орта мектебінің география пәнінің мұғалімі Н.Батырғалиева «Литосфералық катаклизмдер» тақырыбында панорамалық сабақ көрсетті. Семинарға қатысушы жас мамандарға әдістемелік көмек көрсетіліп, тарих, география пәндерін оқытудағы белсенді, тиімді әдіс-тәсілдер бойынша құнды ақпараттар алды. Іс-шараға 23 педагог қатысты.