Т.Рысқұлов ауданы білім бөлімінің іс- шаралар жоспарына сәйкес, 2021 жылдың 21 қазан күні Абай атындағы шағын орталықты орта мектебінің базасында педагогтардың кәсіби шығармашылығын шыңдау мақсатында жалпы білім беретін мектептердегі әлеуметтік педагогтарға арналған «Үйіндегі бақытқа бөленген бала» тақырыбында дөңгелек үстел өткізілді.

Дөңгелек үстелдің мақсаты: Қазіргі заман талабына сай жанұядағы ата-ана мен баланың қарым-қатынасын адамгершілік тұрғыда нығайту, рөлін ерекшелендіру, тәрбиенің маңыздылығына аса мән беруге көңіл бөлу.

Дөңгелек үстел барысында аудандық білім бөлімінің қызметкері Ж.Бекбосынова Баланың өмірге бейімдеуде мектеп , ұстаз және ата –ананың орны бөлек. Тәлім –тәрбиелік жарасымдылық мектеп пен ата–ана,әлеуметтік орта бірлесіп жұмыс істеген жағдайда ғана үйлесімділік табатынына тоқталса, Абай атындағы шағын орталықты орта мектебінің педагог-психологы Гүлнар Өскенбаева психологиялық тренинг өткізіп, сонымен қатар ерекше білімге қажеттілігі бар балалардың ата-аналармен жүргізілетін психологиялық жұмыстар жайлы іс- тәжірибесімен бөліссе Ахмет Байтұрсынов атындағы орта мектебінің әлеуметтік педагогы Айгүл Мадембаева әлеуметтік педагогтармен тренингтер, ситуациялық жағдайаттар көрсетіп, бала әрекетіне байланысты сұрақтармен ой бөлісті. Әлеуметтік педагогтар баланың бақытты болуы үшін ең алдымен мейірім мен жылулық керек екенін тренинг әркеттері арқылы келелі мәселелердің шешу жолдарымен танысты.

Аталған іс-шараға 30 әлеуметтік педагогтар қатысып, ой- пікірлерін, ұсыныстарын ортаға салып, алған мәліметтерін өздеріне қажеттілігін аттап өтті.